【設身處地】如何有效推廣「走塑」?

February 12, 2019

我自問都算係一個「環保人士」—— 凍飲要走飲管、去咖啡店外賣會自備杯、買麵包都走膠袋、30幾度都唔會開冷氣⋯⋯因為我知道,如果再唔環保啲,人類好快就會滅亡。

 

 

不過,喺香港「走塑」,好多時候會俾人叫做「環保X」,點解呢?

 

有一次,我去茶餐廳食午飯,裡面人山人海,全部侍應忙到踢晒腳;坐我對面嘅一位女士落單,指明杯凍檸茶唔要飲管;首先,我好欣賞依位女士嘅環保意識,同時我都好想知道佢最後可唔可以成功走飲管。

 

最後,係唔成功嘅;杯凍檸茶除咗有枝飲管,仲有枝膠匙羮喺入面;依位女士見到之後即時大嗌:「喂我講咗要走飲管架喎!」侍應即時回應:「唔要飲管咪幫你丢咗佢囉!」跟住一手掉走咗枝飲管;之後,果位女士發火,大家開始嘈起黎⋯⋯跟住,我唔詳細講喇。

 

▲此為網上圖片

 

 

重點係,我留意到大部份食客都係支持餐廳侍應,有人甚至指責該女士為環保X。其實,我都好理解班員工,對佢地黎講,放枝飲管同膠羮落杯凍檸茶度已經係佢地嘅自然反射動作,加上中午時段佢地忙到「得閒死唔得閒病」,都真係幾難記得幫人走飲管,忙到咁都仲要俾人鬧,其實都幾慘⋯⋯

 

如果我係果位女士,遇到咁嘅情況,我會用水沖一沖枝飲管,然後靜靜地收埋佢,之後搵機會拎去回收,然後得閒嘅時候同老闆娘傾吓計,建議佢地轉用環保飲管。

 

 

我相信,鬧班侍應係唔會令到餐廳改善,對推廣「走塑」完全唔會有幫助,甚至會令普通市民對環保行動、環保人士更加反感。

 

 

另外,大家都應該知道麥當奴唔再提供飲管;有一次,我去麥記「撲水」,聽到有個呀叔大叫:「吓?冇飲管點飲可樂呀!」跟住,隔黎有個疑似環保人士回答佢:「冇飲管咪用口就咁飲囉!」呀叔還擊:「我啲牙敏感呀!」環保人士秒殺:「啲牙敏感你就唔好飲汽水啦!」呀叔開始詞窮,唯有講粗口:「關你乜X野事呀@#$%&*」

 

 

似乎,環保人士完勝,我當時亦相當心涼;但諗深一層,個呀叔咁樣俾人鬧,佢嘅環保意識係唔會有所提升,反而對依啲「環保行動」更加反感。其實,與其同個呀叔講:「冇飲管咪用口就咁飲囉!」不如,溫柔啲話:「你可以買枝環保飲管,下次帶黎飲可樂架嘛!」

 

 

推廣環保,最重要係站喺人地嘅角度諗下;實情係,有啲人真係需要飲管,每人都有唔同嘅難處,我地必須理解;繁忙時間嘅餐廳好似打仗咁樣,班侍應有時候真係好難記得幫你走飲管;與其謾罵批評他人,不如設身處地提出建議?

 

以上純粹為個人意見。

 

 

環保餐具:

 

易潔環保飲管:https://www.lifeshophk.com/easy-to-clean-reusable-straw

筷匙協奏曲:https://www.lifeshophk.com/spoon-and-sticks-concerto

攪拌馬克杯:https://www.lifeshophk.com/stirring-mug

 

環保時裝:

 

男裝軟木銀包:https://www.lifeshophk.com/mens-cork-wallets

女裝軟木銀包:https://www.lifeshophk.com/womens-cork-wallets

軟木皮帶:http://www.lifeshophk.com/cork-belts

SlimFold 銀包:https://www.lifeshophk.com/slimfold-wallets

純素鞋:https://www.lifeshophk.com/shoes

純素袋:https://www.lifeshophk.com/bags

 

 

Please reload

Featured Posts

「純素皮革」簡介

December 8, 2016

1/2
Please reload

Recent Posts